MPCC President, Pu Lal Thanhawla’n Aizawl khawpui chhung a\anga Assam Riffle sawn chhuahna tura thupetu chu Prime Minister hlui, Pu Rajiv Gandhi a ni a, Prime Minister a nih lai kum 1987 khan Aizawl khawpui a\ang sawn chhuah an nihna turin thutlukna a siam niin a sawi.

0
204
views

Vawiina Congress Bhavan-a inkhawmah he thu hi sawiin, Pu Lal Thanhawla chuan, Assam Riffle sawn nan hian khatih laia Congress kaihhruai Mizoram Sorkar chuan Paikhai ram leh tuna an awmna tur Zokhawsang ram hi an kawhhmuh a, Zokhawsang hi thlan a nih tak avangin an insawnna tura cheibawl a ni a, khatih laia Congress sorkar khan LSC a pe hman lova, anmahni thlaktu MNF sorkar-in a tihfel sak nia sawiin, an luah tur in leh thil pawimawh dang chu Home Ministry lamin an sa a, a bak kawng, tui leh kawlphetha chu State sorkar-in a ngaihtuah thung tih a sawi. Pu Lal Thanhawla chuan, insawn chhuak tur an nih tho avangin sipai lam pawhin chhuah thuai thuai an duh ve tho nia sawiin, duh anga chaka hmalak a harsat bakah an awmna in sak zawh tlai a nih avangin an chhuak thei rih lo mai niin a sawi a, an chhuahsan tur nia sawi chu Lammual chhehvel deuh chauh a ni a, hei aia tam hi an chhuah san theih nan sorkar chuan a kar ve reng \hin tih sawiin, chhuak ngei se tih chu an duh dan a nih thu a sawi.

Pu Lal Thanhawla chuan, Pathian leh mipui zarah a kaihhruai Congress Party chuan \um 5 sorkar an siam tawh thu leh hetih chhung hian MNF Party chuan an mahni tihbuai nan Court-a thubuai an thehluh ziah thu sawiin, hei hi thil \ha nia a lan avangin tunah hian Court-a thubuai thehlut ve tura an inbuatsaih mek thu leh MNF kaihhruai sorkar chuan kum 5 pawh a hman zawh hman loh mai theih thu a sawi a. Pathianin an chan tura a rel chu pawm mai tur an ni tih sawiin MPCC President chuan, an Party tluka Mizorama sorkar-na chang tam an la awm lova, Mizoram chhunga hnam rotling hmasawnna zawng zawng pawh an sorkar chhunga an siam deuh vek a ni tih sawiin, hei ringawt pawh hi lawmna tham a tling a ni, a ti. MNF kaihhruai Mizoram sorkar chu an thutiamah an ding em tih mipuiin an en dawn tih sawiin, Pu Lal Thanhawla chuan, nuai 3 nei mai turin mipuiin an vote a, hei hi an tihlawhtling thei dawn em tih mipuiin an ngaichang mek nia sawiin, Chief Minister Pu Zoramthanga’n a bial chhunga tihlawhtlin a tiam Tuiriala College din leh in leh lo nei lo zawng zawng hnena ram pekte, BRTF sawnchhuahte chu an kalpui zel dan tur an ngaichang reng dawn tih a sawi bawk.

MNF Party chu BJP-in sum hmangin an khirh tlat nia sawiin, Pu Lal Thanhawla chuan, tunah hian MNF lamin BJP hi an thawhpui duh tak loh avangin BJP hotute chu an lung ni lo hle niin a sawi a. BJP hruaitu lawk zinga mi Ram Madhav chuan, Congress tihchhiat nan chuan BJP aiin MNF an \ha zawk tih an hria a, chumi tihlawhtling tur chuan sum an pe a, inthlan zawhah thawh ho an duh leh si lo tih a sawi niin mi \henkhatin an sawi nia sawiin, hei hi mi sawi a hriatchhawn pawh ni se a dik ngei a rin thu thu leh sum hmanga inhnungkhirh chu nghet tak a ni tih hriat a \hat thu Pu Lal Thanhawla chuan a sawi a. Mizorama thlawhtheihna service tihtlem a nih chungchangah pawh Chief Minister, Pu Zoramthanga’n runway chhiat vang nia a sawi laia Aviation Wing Principal Consultant, Wing Commander, J. Lalhmingliana’n runway \hat thu a sawi leh si chuan ngaihtuahna a tithui hle niin a sawi bawk.