Vawiina MYC Chairman nilai, congress party hruaitu Pu Joseph Lalhimpuia’n Aizawl Press Club-a chanchinbumite a kawmna ah zawhna chhangin Congress thupuangtu Pu Lallianchhunga chuan Aizawl West-I lama candidate pakhat pawhin in tin tlawh lawra campaign a lo neih avangin MPF ten tlangauin an puangzar niin a sawi a, hetiang deuh bawk hian thil hriat dan inang lo deuh engemaw a awm avangin East Lungdar lamah pawh a thleng ve niin a sawi a, Congress Party chuan MPF thuthlung chu a theih chinah zawm zel a tum niin a sawi.
Chanchinbumite kawmtu MYC chairman nilai Pu Joseph Lalhimpuia chuan Mizoram Youth Commission in \halaite hmasawnna tura hma a lo lak tawhna chi hrang hrang a sawifiah a, MYC dintu MNF party chuan a rula raw neih mai mai laiin, Congress sorkar chuan \angkai taka hmangin kawng chi hrang hrangah \halaite tan kawng a hawn sak a ni a ti a, MYC kaltlanga mizo \halai, eizawnna leh zirna lama hlawhtlinna chang ta te chanchin te chanchinbumite a hrilh a ni. Pu Joseph Lalhimpuia chuan MYC hmun nghet tur, Mizo Youth Centre pathum sakna tur sum pek chhuah a nih tawh thu sawiin Aizawlah cheng vbc 5, Lungleiah cheng vbc 4 leh Serchhipah cheng vbc 3 hmanga sak tura ruahmanna siamfel tawh a nih thu a sawi a, MYC Office Southern Mizoram Zone tih pawh Lunglei khawpuiah hawn a nih tawh thu a sawi bawk.
