Hawnna thusawiin MPSC Chairman chuan Application thar chuan sum leh pai leh hun tam tak senna a ti tlem dawn niin a sawi a, India ram State tlemte zingah Online Application hmang thei zingah MPSC a awm chu thil lawmawm nia sawiin, Information Technology hmanga sorkar office tih changtlung zel a nih bakah, sorkar office dawr tura mipuite buatsaihna nena hmalak a ni chu thil lawmawm niin a sawi a, hei hi MPSC Office-a Assistant hna dil nan hman a ni nghal dawn a ni. Chairman chuan Smartphone leh Computer a\anga Internet hman tur nei lo leh hmang thiam lo tan MPSC Office-ah Help Desk dah a ni tih a tarlang bawk. Hawnna inkhawm hi MPSC Secretary, Pu Lalzirmawia Chhangte-in a kaihruai a ni.
