MSU General Conference vawi 16-na tan a ni, zirlai 500 vel kal khawm

0
314
views

Mizo Student’s Union General Conference vawi 16-na chu Sialhawka Lallula Runah nizan khan \an a ni a, hmun hrang hrang a\angin zirlai 500 vel an kal khawm a ni. Nizan khan palai lawmna neih a ni a, vawiin khan he Conference-a khuallian, School Education Minister, Pu H. Rohluna chuan zirlaite tana thuchah sawiin, exam-naa pass mark hmuh mai tum lova, chhawrtlak thiamna neih tum turin zirlaite chu a fuih a ni. Minister chuan MPSC hmanga Primary School zirtirtu 100 la turin tunah hian advertisement tihchhuah \ep a ni a, Middle School zirtirtu 60 la tur pawhin sorkar a inbuatsaih mek niin a sawi. He Conference-ah hian an pawl President, RD Lalmalsawma pawhin Mizote din chhuah ve theih nan inthlah pun chak a \ul niin a sawi. Naktuka MSU Conference-a thusawi tur hian Home Minister, Pu R. Lalzirliana leh Chief Minister Political Adviser, Pu Lalrinmawia Ralte sawm an ni.