Zirlai pungkhawm te hian MSU hruaitute thubuai siamsak an duh loh thu te, an case titawp thuai tura an phutnate an lantir a, an thuziak ken zingah ‘Mizorama mikhualten awmdan thiam rawh se’ tih te a tel a, auhla chi hrang hrang hmangin an aurual bawk a ni.
Zirlai pungkhawmte hian lirthei kal theih lova kawng an hnawh pin avangin Traffic lamin lirthei tlan dan pawh an ti danglam a, chhimlam pan lirthei te chu AR ram chhunga tlantirin Aizawl Dak Inpui bulah an chhuah tir a, Aizawl hmar lam pan lirthei te chu Vanapa Hall hnuai lamah an tlantir an ni.
MSU President Vanlalliana Khiangte chuan ziralai ten ram leh hnam tana \ha tura an ngaihah chuan hma an lak \hin thu leh lak zel pawh an tum thu a sawi a, Chakmate chu British ten puak phur tura Mizorama an hruai luh an ni a, a hnuah dinhmun \ha zawkah an ding chho ta zel a ni a ti a, Chakmate vanga Mizo leh Mizo thubuai insiamsak fo a ni chu \ha lo a tih thu a sawi a, thuneitute pawh inenfiah se a duh tih a sawi.
ACCJSU President Lalruatpuia pawhin thusawiin hnam chhana ke penchhuak MSU hruaittue case siam sak an ni chu an duh loh thu a sawi a, Lung In an tang dawn a nih pawhin an zui lut dawn niin a sawi. Lalruatpuia chuan, ram leh hnam chhan nan thuneitute hmala ngam tura a duhthu a sawi a, hnam chhan nan hma an lak loh chuan nakinah tuna sawisel tute hi an la inchhir dawn niin a sawi a, ram leh hnam tan chuan ke an pek chhuak zel dawn tih a sawi.
Hemi hnu hian zirlaite hian Hunthar venga Chakma House lam panin kawng an zawh a, kawngzawh pah hian an aurual a, Chakma House thlen hma hian Police ten lo dangin zirlai hruaitute hian Chakma House khar a nih leh nih loh leh a bula Chakma Hostel sak chawlhsan a ni em? tih enfiah phal sak tura an ngen angin Police venhimna hnuaiah zirlai hruaitute hian chakma House hi an enfiah a, an duh anga House khar a nih bakah a bula Hostel sak mek pawh chawlhsan a ni tih an finfiah a ni. Hemi hnu hian MSU hruaitute Case a fel tih thu MSU President Vanlaliana Khiangte hian a puang a, buaina awm lovin chawhnu dar 2 vel khan zirlaite hi an \in darh a ni. Zirlai pungkhawm te hian resolution pahnih pass in Hnamdangte vanga Mizo zirlaite leh mipuite tawrhna tun hnuah thleng tawh suh se tih leh Ram leh Hnam tana zirlaiten hma an lakin, Mizoram Sorkar leh police ten Zirlaite case siamsak tawh suh se tih te an resolution ah chuan an tarlang a ni.
Kum 2017 September thlaa Chawngte Higher Secondary School-a Mizo zirlaite Chakmain kut an thlak chungchangah Aizawla Chakma House chu khatih hunlai khan khartir a ni a, hemi kaihhnawihah hian MSU hruaitu \henkhat chu thubuai siamsak an ni.
