Mualcheng Primary Agriculture Credit Scheme hawng

0
514
views

Mualcheng khawtlang \angrual hmalakna-a buatsaih Primary Agriculture Credit Scheme chu vawiin chawhnu khan N. Mualcheng Bazar-ah bialtu MLA, Cooperation Minister Pi Vanlalawmpuii Chawngthu in a hawng a, Primary Agriculture Credit Society (PACS) hi kuthnathawktu \angrual ten anmahni hmasawn zelna tura Bank an din a ni.

Hawnna thuchah sawiin Pi Vanlalawmpuii Chawngthu chuan PACS ah hian member ten bul \anna tur sum thawhkhawmin, mipuiten pawisa a pung awma dahin chung pawisa tlingkhawmte chu a mamawh ten pung awm bawkin an puk thei dawn tih a sawi a, loneitute tan a \angkaiin hmun tam takah hlawk takin an kalpui mek a ni a ti. Sorkarin kuthnathawktute tana hma a lakna hrang hrangte sawiin tun hnai maiah pawh Hrangturzo bial chhungah Agriculture Link road engemawzat laih thar a ni tih Cooperation Minister hian a sawi a, sorkar hmalakna te a \angkai thei ang bera chhawr tum tur leh \anpui tlaka hmalak tum turin mipuite a chah bawk. Mizoram chhunga PACS hrang hrang Resource Person Pu H. Remsangpuia, Mizoram Co-operative Apex bank chuan PACS kalpui dan leh a hnathawh theih hrang hrangte a sawifiah a. Mizoramah an enkawl PACS 26 a awm tawh thu leh Serchhip District ah PACS pahnih a awm tawh thu sawiin Mualcheng chu a pathumna a nih thu a sawi.