Mumbai-a hmunpui nei tlawmngai pawl, ZeroTrash leh Green Mizoram Network tangdunin Tuirial Airfield-a chhungkaw 50 hnenah ei tur an pe.

0
119
views

Thilpek hlanna inkhawm Tuirial Airfield Community Hall-a neih hi VCP Lalmuanga Gangte-in a kaihruai a, Green Mizoram Network President, Saitual District Bawrhsap nibawk, Pu V.L. Hruaizela Khiangte-in heng thilpekte hi a hlan a. Covid 19 hri leng vangin ram pumah inkharkhip a ni a, mi engemawzat eizawnna a buai a. Hetiang midangte harsatna hriaa ZeroTrash-in thilpek hlu tak an pe chu an lawm hle tih a sawi. Pu VL. Hruaizela Khiangte chuan, ZeroTrash atanga thil pek an dawng dawn tih an hriat hian, Tuiriala bawlhhlawh sawngbawlna hmuna thawk leh a bul hnaia chengte chu an rilru-ah a lo lang nghal tih sawiin, an ruahmanna a tihlawhtling thei chu lawmawm a tih thu a sawi.

He inkhawmah hian GMN Adviser, All Mizoram Village Council Association President nibawk, Pi Lalremsangi Fanai, GMN general Secretary, Pu Lalsangzuala Hmar, Tuirial Airfield Br. YMA President leh MHIP President-te pawhin thu an sawi a. ZeroTrash leh GMN-in thil an pekte hi Buhfai, Dal, Alu, Tel leh kut silfaina, Hand Sanitizer a ni.