Nimina an pawl Pisapui a thuthar thehdarhtu \henkhat a kawmnaah Pu B Vanlaltana chuan, tun hnai khan Myanmar-a Kachin State-a an kut lian ber leh ropui tak Manau Festival hmanga hruaitu \henkhat te Myanmarah an kal thu a sawi a, hetah hian Zohnahthlak hnam peng hrang hrang hruaitute nen an inkawm thu sawiin, inpumkhatna tura thil pawimawh chi hrang hrang an sawi ho tih a sawi a, MZP in zo-hnam peng hrang hrangte inpumkhatna tura an hmalakna pakhat zo hnam inkhawmpui ZOFEST an hman \hin chu Myanmarah nghah a nih theih nan Myanmar sorkarah ngena an thlen tih a sawi.
An thu thlen chungchangah Myanmar sorkar pawhin \ha taka a lo dawn sawn thu leh an duhna te a puitlin theih nan hmalak a nih tur thu an lo hrilh tih MZP president hian a sawi a, he thilaah hian Myanmar-a Zohnahthlak MP, Pi Ebenezer Siami, Pi Ni Sui lian, leh Dr. Moe Moe Lwin ten theihtawp an lo chhuahpui tih sawiin Myanmar-ah ZOFEST a thlen theih ngei beiseina sang tak an neih thu a sawi.
Pu B Vanlaltana hian Myanmara an cham chhungin Zo hnam peng hrang hrang hruaituten an lo dawngsawng tha hle tih a sawi.
