MYC a\anga thudawn danin, Naukri.com hi India-a Job Portal lian leh rintlak ber a ngaih a ni a, an hnuaiah hian \halai hna zawng mek mi maktaduai 49.5 chuang an inziaklut tawh a ni. MYC Chairman leh Naukri.com hotute inkawmnaah hian thawh ho dan tur leh, Mizoram ‘\halaite tana innghahna tling Portal rintlak siamna tura inthlunzawm dan tur an rel a. Dr. Vanlaltanpuia chuan Zirnain hna a pek nghal mai loh avangin, \halai hna zawng mekte leh mamawhte tan MYC chuan nasa zawka hmalak zel a tum tih sawiin, hemi atan hian MYC Job Portal siam chu a kawng pawimawh tak pakhat a ni dawn a ni, a ti. MYC-in Job Portal a siam tur hi zirna lam kaihhnawih chauh ni lovin, thiamna sang nei lote tan pawh awlsam zawka hnathawh tur inkawhhmuhna tura duan a ni dawn a, hemi hnuaiah hian mi awmpui, mistiri, ni tina inhlawhfa leh designing hnathawkte pawh a huam vek dawn a ni.
