Sawihonaah hian Central YMA, MUP, MHIP leh political party aiawh te leh hemi lama tui mite an tel a, Sorkarin Mizoram Lok Ayukta hman theiha ruahmanna a siam ta chu lawmawm an tih thu an sawi a, hetihlai hian a nih tur ang a la ni lo tih sawiin, Lok Ayukta danin a sawi anga a taka hna a thawh theihna turin tih puitlin thuai an duh thu leh a nih ang tur anga a puitlin thuai theih nan hmalak zel an tum thu te an resolution pass ah hian an tarlang a ni.
Thusawitute zing ami, MZP President Pu L Ramdinliana Renthlei chuan, Mizoramah Lok Ayukta hman a nih theih nan kum 2012 a\ang khan MZP in hma an lo la tawh tih sawiin, a hlawhtlinna hmuh chhoh a ni ta chu thil chhinchhiahtlak tak a ni a ti a, Lok Ayukta chu thuneihna sanga tak nei, Sorkar phalna lak hmasak pawh ngai lova Chief Minister thlenga tu pawh a chhui theitu tur a ni a, ACB, CBI leh a \ul apiang kutke-ah a hmang thei a ni a ti a, Lok Ayukta atana duan special court chuan thubuai reng reng thla 12 chhungin a relfel tur a ni a, nihna tur ang taka a kalpui a nih chuan hlemhletna nasa takin a ti tlem thei dawn a ni a ti.
