Kawng zawh \annaah MZP hruaituten thu an sawi ang a, an intawhkhawmna hmun, Vanapa Hall kawtah an president Pu L Ramdinliana Renthleiin thu a sawi ang. Kawngzawhah hian Aizawl khawpui chhunga college hrang hrang zirlaite leh hnam pual zirlai pawl member te an thawk chhuak dawn a ni.
Tunhnaia Vairengte khawdaia Sipai Cinema hall hlui Assam Forest ten sa \ha a office-a an luah nghal chu tun thla ni 12 ral hmaa chhuahtir turin MZP te hian Mizoram sorkar an phut a, Assam Forest dept te hi chhuah tir an nih loh pawhin Bairabi Zophai hmuna Zofate chawlhbuk sa ve turin an phut a, an huntiam ral hnuah sorkar laka an thil phutte tih hlawhtlin a nih loh avangin ‘Ram chhan kawng zawh’ hi an nei dawn ta a ni.
Muanawm taka kawngzawh a nih theihna turin Dan leh thupek kengkawhtute pawh an inbuatsaih a, Aizawl bawrhsap chuan Executive Magistate pahnih duty turin a ruat a, Aizawl SP Office nen \angdunin Police duty turte pawh a ruahman fel tawh bawk a ni.
