MZP in sorkar enkawl zirna in hrang hrang a zirtirtu awm zat in thlau lutuk chu tha lo an tih thu sawiin thuneitute chu a rualkhai thei ang bera zirtirtu dah turin an ngen

0
202
views

MZP in sorkar enkawl zirna in hrang hrang a zirtirtu awm zat in thlau lutuk chu tha lo an tih thu sawiin thuneitute chu a rualkhai thei ang bera zirtirtu dah turin an ngen.

Vawiina Aizawl Press Club a Press mite an kawmnaah an pawl President L Ramdinliana Renthlei chuan, an zirchianna atangin Aizawl a Primary school thekhatah chuan, zirlai 55 awmnaah zirtirtu 8 te, zirlai 63 awmna ah zirtirtu 10 te, zirlai 60 awmna ah zirtirtu 8 te, zirlai 15 awmna ah zirtirtu 5 te an awm a. High School ah pawh zirlai 35 awmnaah zirtirtu 9 te, zirlai 47 awmnaah zirtirtu 10 te an awm nia sawiin Aizawla zirtirtu an indaih viau lai hian thingtlang lamah erawhchuan zirtirtute hi an indaih lo hle thung a, thingtlang hmun thenkhata Primary school ah chuan zirtirtu 1 in zirlai 40 aia tam te an enkawl thung a, zirtirtu pahnih chiah awmna Primary school 45 a awm a, zirtirtu 3 chauh nei sikul 30 an awm bawk a ni an ti a, hetiang bawk hian Middle school leh High School ah pawh zirtirtu hi an indaih lo hle niin a sawi. L Ramdinliana Renthlei chuan, Middle school bikah Hindi zirtirtu nei lo sichool 237 zet an awm thu te, an hriat theih chinah Middle school headmaster nei lo school 105, Primary school Headteacher nei lo 25 leh High School Headmaster nei lo 12 an awm tih sawiin hei bakah hian SSA leh RMSA hnuaia zirtirtu atana lak ni si zirtir hna thawk lova pisa lama thu engngemaw zat an awm bawk tih a sawi a, zirtirtu indaih lohna a nasat hle laia hetianga zirtirtu zirtir hna thawk lova dah an ni chu tha lo an tih thu a sawi.

Zawhna chhangin zirtirtu indaih lohna chugnchanga sorkara an ngenna chu a tul anga bawhzui zel an tum thu a sawi.