MZP Vice President Pu B Vanlaltana kaihhruai kharna inkhawmah hian Sports Minister Pu Robert Romawia Royte chuan thu sawiin Sport leh Education tih hmasawn nan sorkarin hma a la a, infiammi ten tangkafai lawmpuina an hmuh \hin incentive cash award hman mek chu ennawn tum a ni a, rit chawi chak Jeremy Lalrinnunga Youth Olympic Gold medalist chu cheng nuai 15 leh Hocky khelthiam Lalremsiami chu Youth Olympic Silver medalist leh Asian Games-a Gold Medalist a nih angin cheng nuai 20 Sorkarin a pe dawn tih a sawi a, pawisa hi sanction fel a ni tawh a, remchang hmasaaah hlan an ni ang a ti a, Jeremy Lalrinnunga hi Mizoram Tourism Department-in Brand Ambasador atan a ruat tih a sawi bawk.
MZP President Pu L Ramdinliana Renthlei leh Mizoram Chess Association President Dr Lalhmuchhuaka te pawhin thu an sawi a, Competition ah hian School 26 atangin mi 319 an tel a, Highher Secondary School category-ah Reiek a St. Benedict’s HSS chu pakhatna an ni a, High School-ah St. Paul’s HSS, Middle School-ah Govt. Middle School Reiek leh Primary School-ah Mary Mount School, Tlangnuam te pakhatna an ni.
