Vawiina Aizawl Press Club-a thuthar thehdarhtute an kawmnaah Pu B Vanlaltana chuan, Mizoram Chief Minister hmasa ber Pu Ch Chhunga leilet hmuna Zofate chawlhbuk an sak, Assam Police leh Forest Deptt ten an \hiah sak dan leh zirlai leh thuthar thehdarhtu \henkhatin kut an lo tawrh tawh dan te a sawi a, chhantu neilova an awm lai leh Mizoram sorkar an ngaihchan reng laia tun hnaia Zophai huam chhunga Mosolman Biak in sak, hun rei tawh tak chawlhsan tawhah hmathar lak a ni leh chu an hriatthiam loh thu a sawi.
Pu B Vanlaltana chuan, Zirlai pawlin ram humhalhna tura Bairabi Zophai hmuna chawlhbuk sak an tum a\anga sorkain hmalak a tumna a sawite chu a tak thleng tawh se tih chu an duhdan a nih thu a sawi a, ramri chungchanga sorkarin a din Core committee in lehkha pawimawh la khawm tura MZP a tih angin sorkarah an thlen tawh tih a sawi a, hetihlaia tun thlenga bawhzuina a awm lo chu an hriathiam loh thu sawiin sorkar chuan inphenna tur chauha Core Commitee din nia an ngaih tawh thu a sawi a, inremna pawh ngaipawimawh lovin Assam in hmathar an la leh chu an ngaithiam lo hle tih a sawi.
MZP President hian ramri chungchang chu Chief Minister leh Home Minister pawh \um engemawzat an lo sawipui tawh thu a sawi a, Sorkar tharin core committee a din pawh a ring ngam tawh lo tih sawiin Pi leh Pu atanga Mizote luah chin ram chu chan zel anih loh nan MZP chuan hmalak zel a tum a ni a ti a, ramri chinfel a nih a ramri ah buaina a awm tawh loh nan Zophai bul Baibawn tlangah Police Outpost dah thuai turin Sorkar an phut thu sawiin state thenawm laka dawih zawka \an reng ngai lo turin sorkar chu inbuatsaih se an duh tih a sawi.
