Vawiina Aizawl Press Club-a thuthar thehdarhtute a kawmnaah Pu L. Ramdinliana Renthlei chuan, Zofest chu kum 2002 a\ang khan MZP-in a buatsaih a, tun \um hi a vawi 8-na tur niin a sawi a, hetah hian Myanmar MP, Pi Ebenezar Siami chu khuallian tura sawm a ni tih sawiin amah \awiawm tur hian MP dang 3 an rawn tel dawn niin a sawi. Pu L. Ramdinliana Renthlei chuan, Zofest thupui atan ‘Insuihkhawm leh zai i rel ang u’ tih hman a ni ang a, inkhawmpui chhung hian Dr. C. Lalawmpuia Vanchiau thuziak zirho a ni ang a, hei bakah hian khawvel huapa Zofate ti hming\ha tu Nl. Lalremsiami, hockey player leh ritchawichak Tv. Jeremy Lalrinnunga leh Zofest neih theihna atana sul lo sutu Manipur-a Pu Lalthuthlungliana te an chawimawi dawn niin a sawi. Pu L. Ramdinliana Renthlei chuan, ZOFEST-in a tum chu mahni hnam leh unau, chipui inhre tawn lova hunrei tak awm tawh te huikhawm a, thlahkhat, unau thisen inzawm an nihzia hriattir niin a sawi a ni.
Pu L. Ramdinliana Renthlei chuan, Zofest an neihna hmun tur Reiek khuaa Pandal chu mi 1,000 chuang leng tura sak a ni a, peih thawhkhat a ni tawh niin a sawi a ni.
