MZP President Pu L. Ramdinliana Renthlei in, Bairabi Zophai chungchangah MZP chu a dinna ngaiah a la ding reng tih a sawi

0
735
views

MZP President Pu L. Ramdinliana Renthlei in, Bairabi Zophai chungchangah MZP chu a dinna ngaiah a la ding reng tih a sawi a, Zofate Chawlhbuk sak a nih ngei theih nan hma an la chhunzawm zel dawn tih a sawi. Vawiina Vanapa hall kawt-a MZP ten lungawi lohna lantirna, Sit-in demonstration an neihah thu sawiin, MZP President chuan Bengal Eastern Frontier Regulation, 1875 chu ram pahnih British leh Lushai territory inkara International Boundary a nih avangin ramri chungchanga an innghahna a ni tih a sawi a. MZP chuan nei let leh turin a \ul ang zelin hma kan la dawn a ni, a ti a. Tuna ramri chungchanga inbiakna kal mekah 1875 ramri nei let tura \ang tlat turin sorkar thuneitute an ngen tih a sawi bawk.
MZP President chuan, tun thla ni 20-a Ministry of Home Affairs kaihhruaina hnuaia Mizoram leh Assam Chief Secretray te inbiakna chuan an beisei a pha lo hle tih sawiin, Zophai tih Kachurtal tia an thlak ringawt pawhin Mizo te rilru a ti na a ni a ti a. Inbiakna tur kal zel turah rinna nghah ngam harsa an tih thu a sawi. MZP President chuan hliam tuar zawng zawngte an tawrhpui takzet tih sawiin, Chanchinbumi te vaw tu Assam police leh Assam sorkar chu an dem takzet tih a sawi bawk. MZP in Sit-in demonstration an neihah hian MZP hruaitu hlui engemawzatin thu an sawi a. Zirlai pungkhawmte hian Mizoram chin humhalh tlat an tum thu an sawi a, Assam Police ten zirlai te leh chanchinbumi hmeichhia thlenga kut an thlak an demna thuziak te an keng a ni.