Mizoram University Acting Vice Chancellor, Prof. Lianzela leh Registrar, Pu Zothankhuma’n vawiin khan Larsap, Lt. General Nirbhay Sharma chu a chenna, Raj Bhavan-ah an hmu a. Mizoram University-a Vice Chancellor nghet dah a nih theih nana \an lak tawh dan an sawipui. Larsap chuan, MIzoram University-ah Vice Chancellor nghet dah a nih theih nan Union Human Resource Development Minister leh hotu dangte chu \um engemaw zat a lo dawr tawh thu leh tun hnaia New Delhi-a a zin \um pawh khan sorkar laipuia hotute a sawipui leh thu leh, Vice Chancellor hi tifel tura bawhzui mek a nih thu an lo hrilh niin MZU hotute hi a lo hrilh a ni. Larsap chuan, Mizoram University chu ram chhunga University \ha berte zinga mi nia sawiin, lehkha zir chu dah pawimawh hmasak ber \ul a tih thu leh zirlaiten \ha taka lehkha an zir theih nan boruak muanawm siam \ul a tih thu a sawi a. Tun hnu zela zirna tibuai thei tur chi a thlen loh nan zirlai leh zirtirtute chu fimkhur tura a duh thu a lo hrilh bawk.
