Mizoram hian Final-a an khingpui Sikkim chu si khat faiin an hnen a, chakna Goal hi Minute 75-naah David Lalrinmuana’n a khung a ni. Mizoram team hian champion nomawi bakah sum fai cheng nuai 10 an dawng a, pahnihna Sikkim-in trophy leh sum fai cheng nuai 6 a dawng bawk.
He tournament-ah hian Sikkim goalkeeper, Urgen Pintso Sherpa chu Best Goalkeeper-a thlan a ni a, Sikkim midfielder, Klip Namgyal Barfungpa chuan Best Midfield a thlan niin, Best Player-ah Mizo Player Lalchungnunga Chhangte thlan a ni a, Best Forward-ah Malsawmfela leh Man of the final-ah David Lalrinmuana thlan a ni bawk. Fair play Team chu Arunachal Pradesh niin, lawmman cheng 50,000 an dawng a ni.
