He mi chungchanga thu tlukna hi nimin chawhnua Serchhipa All NGO Co-Ordination Committee \hu khawmin a rela, he inkhawm hi All NGO Co-Ordination Committee Chairman Pu R Sanghmingthanga, Sub Hqrs YMA President ni bawkin a kaihruaia, boycott an tumna chhan hi Citizenship Amendment Bill 2016 Lok Sabha-in a pass tawh, Rajya Sabha-a pass lo tura sorkar laipui nawrna tur a ni. He mi chungchanga thuchhuah an siamah All NGO Coordination Committee-a tel tlawmngai pawl lian hrang hrang Office Bearers leh Executive Committee Member-te chu Republic day lawmnaa tel tumte dan hnatlang nei turin an ngena, hetih lai hian Serchhip Hqrs Mizo Zirlai Pawl hruaitute pawhin Republic day lawmnaa lam tur zirlai ruatte chu Republic day lawmnaa tel lo turin an ngena, an thlavang hauh a ngai a nih pawhin an hauhsak dawn niin an sawi a ni.
