Naktuka International Museum Day lo thleng tur chu sorkar chawlh a nih avangin Mizoram State Museum in vawiin khan an hmang a, mipuite tan a thlawna Musuem tlawh theihna hun an hawng a ni.

International Museum Day lawmna hi Art & Culture Director, Pu R. Hmingthanzuala’n a hawng a, Mizo nunphung leh nun zemawite chawi nung zel chunga \hangtharte hnena Mizo hnam nun zia leh nunphung ataka hmuh tir leh thiam tir te chu Museum thil tum pawimawh zinga mi a ni a ti. Museum Day lawmnaah hian Mizoram Upa Pawl aiawh te leh DIET-a thawktute an tel a, Museum Curator, Pi PC Zosangpuii’n a kaihruai a ni.

Kum 2018-2019 chhung khan Mizoram State Museum hi tlawhtu mi 13,157 an awm a, an zingah hian ramdangmi 33 an tel. Mizoram State Museum-ah hian Gallery 6-ah Museum objects 2,679 a awm a ni.