Nakum sorkar kum chhunga Finance Minister, Pu Lalsawta leh Supply Minister, Pu John Rotluangliana te hna chanpual enkawlna tur sum ruahmante lungrual taka pawmpui a ni

0
380
views

Vawiin session-ah nakum sorkar kum chhunga Finance Minister, Pu Lalsawta leh Supply Minister, Pu John Rotluangliana te hna chanpual enkawlna tur sum ruahmante lungrual taka pawmpui a ni. Pu Lalsawta hna chanpualte hi Law and Judicial Department, Taxation Department, Finance leh Planning, Programme Inplementation Department-te a ni a, heng zawng zawng enkawlna tura sum ruahman chu a vaiin Rs. 24,91,28,42,000/- a ni a, Pu John Rotluangliana hna chanpualte hi Food, Civil Supplies & Consumer Affairs Department, Transport Department leh Tourism Department-te a ni a, heng Department 3-te enkawlna tura sum ruahman chu a vaiin Rs. 3,07,02,35,000/- a tling a ni. Sawihonaah hian member 17-ten thu an sawi a, an thil ngaih pawimawh sawi chhuah zingah chuan Budget ruahmana, mamawh chi hrang hranga hman theih tur NEDP sum cheng vaibelchhe 1,000 ruahmante, Mizoram State Gross Domestic Product pung chho-te, Budget ruahman dan chu \ha tawk, hmasawn chho zel nia an hriat thu te, sorkar sum dinhmunin ziaawm lam a pan avangin GPF khuahkhirh dan leh lakchhuah dan awlsam leh felfai zawk neih \ul an tih thu te, sorkar hnathawk Medical Re-imbursement atana cheng vaibelchhe 40 dah chu tam lutuk nia an hriat thu te, MLA Area Development Fund atan MLA pakhat zel tana cheng nuai 100 dah chu lawmawm an tih thu leh langtlang theia \ha taka an hman dante, Law and Judicial lama hmasawnna awmte, nikum fur chhunga buhfai supply lama harsatna awm lo lawmawm an tih thu te, eirawngbawlna Gas supply tam tawk loh vanga harsatna thleng leh gas ti chingpentute na zawka hrem \ul an tih thu te, buhfai kudam sak belh ngaihnaa sak belh, kudam awmsa thawm \hat \ul an tih thu te, Tourism Department hmathar lakna Home Stay Project leh Eco-Tourism lam te a tel a ni. A demand pass hma lawka member-te thusawi chhangin Finance Minister, Pu Lalsawta chuan budget buatsaih sawifiahna atana Mizo \awng hman chu mipuiin an \angkaipui hle niin a sawi a, tun hmalama Mizoram mipuite dinhmun thlirletin hmasawnna a chak dan te, sorkar hnathawkte hlawh pun dan te, mimal lirthei nei pun chhoh dan te thlir chuan nasa takin hmasawnna a lang tih sawiin, budget-a Revenue Surplus awm chu thil lawmawm a ni tih a tarlang a, sorkar hnathawkte GPF pek chhuah chungchanga harsatna awm nia sawi pawh sawifiahin sum lama harsatna thleng thei veng chungin a theih ang tawka felfaia pek chhuah a nih thu te, mi mangang pan tur hre lo te tan Chief Minister leh amah Finance Minister bakah midang zawng zawng pawh pan theih an nih thu te, GPF lak chhuah diltute hnen a\anga pawisa lak ching an awm nia member ten an sawi pawh chhangin chutiang chu sorkar remtih loh thil a ni tih a tarlang a ni. Finance Minister chuan Pay Commission 7-na anga Mizoram sorkar hnathawkte hlawh an sorkar chhunga pek chu sorkar thil tum a ni tih Chief Minister pawhin a lo sawi tawh niin a sawi a, Fitment Committee tan thil tih a awlsam nan leh thil awmdan hriatfiah nan thil enfiahtu tur Pay Committee din a ni a, hei hian report a pek thuai theih beisei niin a sawi a ni. Hemi hnu hian Pu John Rotluangliana pawhin a demand sawihona tlangkawmin member te hriat duh a sawifiah a, hemi hnu hian a hna chanpual enkawlna tur sum ruahman chu pawmpui a ni ta a ni. Naktuka session chhunzawm a nih hun chuan hun hmasa chu zawhna leh chhanna atan hman a ni ang a, hemi hnu hian Minister pahnih, Pu R. Romawia leh Pu H. Rohluna te hna chanpual enkawlna tur sum ruahman sawihova pass tum a ni ang.