A hmanpuitu NCPCR Chairperson, Pu Priyank Kanoongo chuan, naupangte dikna chanvo humhalh kawnga sorkar laipuiin hma a lakna hrang hrang a tarlan bakah Mamit District chu ram chhunga District hnufual thlan zinga a tel avangin naupangten an dikna chanvo an hmu em tih chu ngaihpawimawh bik a ni, a ti a. Naupangte dikna chanvo humhalh kawnga thawktu leh enkawltu Department hrang hrangte chu an mawhphurhna hunbi tiam chhunga hlenchhuak \hin turin a chah a ni. Hetah hian Mamit leh Kolasib District bakah North Tripura District a\angin naupang an dikna chanvo chang pha lo ni-a inhria an inlan a. An harsatna thlente hi Chairperson, NCPCR hian ngaihthlak sakin an harsatna chu eng anga bawhzuisak ngai nge an nih tih chu naupang enkawltu Officials -te nen an sawi ho zui nghal a, hunbi tiam chhung ngeia an harsatnate chinfel turin Bench Sitting-ah hian tih a ni.
Mamit Bawrhsap, Dr. Lalrozama chuan, National Commission for Protection of Child Rights leh State Commission for Protection of Child Rights ten Mamit an tlawh chu lawmawm a tih thu a sawi a, bench sitting chuan naupang enkawlna kawngah rah \ha a chhuah ngei a beisei tih a sawi bawk.
Bench Sitting-a case lut 17 zingah POCSO Case avanga enfiah ngaite tana a hrana enfiahna room chungchang, naupang zirna dawng rual ni si mi 1,516 zirna dawng lo chungchang, Home Assessment Survey a\anga a landanin naupang kum tling lo hnathawka chhawr luih mi 45-te chungchang bakah zirna in-a mipa leh hmeichhiate inthiarna a hranga awm lo chu hunbi tiam chhunga chinfel tura tih a ni. Hemi hnu hian NCPCR Chairperson, Pu Priyank Kanoongo leh SCPCR Chairperson, Pi Sangzuali Vanchhawng-in I&PR Conference Hall-ah Mamit-a thuthar thehdarhtute an kawm a, an hmalak dan an hrilhfiah a ni.
