National Commission for Women leh Mizoram State Commision for Women tangkawp buatsaihin vawiin khan Kolasib-a Parish Hall-ah hmeichhiate tihchak leh thlei bik nei lova an chanvo dik tak pek a pawimawh zia tarlanna beihpui thlak

0
413
views

National Commission for Women leh Mizoram State Commision for Women tangkawp buatsaihin vawiin khan Kolasib-a Parish Hall-ah hmeichhiate tihchak leh thlei bik nei lova an chanvo dik tak pek a pawimawh zia tarlanna ni hnih awh tur beihpuithlak tan a ni. He beihpuithlakah hian thu sawiin Mizoram State Commission for Women Chairman, Pi Margarette Zohmingthangi chuan hmeichhiate tihchak tumna hian mipate chanvo chhuhsak lam a kawk lova, hmeichhiate hlutna leh mawhphurhna inhrilhhriatna te, danin hmeichhiate a humhalh dan te mitinin hriat a pawimawh niin a sawi a ni. He beihpuithlaka thusawitu dang Kolasib Bawrhsap, Pu Zarzosanga chuan ram dan hriat loh avanga rahbeha awm loh nan dan hriat a pawimawh niin a sawi a, hmeichhiate danin a humhalh dan a sawifiah bawk. He beihpuithlakah hian Mizoram State Commission for Women member, Pi Sylvie Z. Ralte leh member dang Prof. Lalneihzovin ten thu an sawi bawk a ni.