Paper hmang lova House-a rorel chi hrang hrang mipui hmaa chhawp chhuak tur hian Parliamentary Affairs Ministry chuan Mobile Application duangin, heta \ang hian mipuiten awlsam takin an thil hriat duhte an hre thei tawh dawn a, he Application hi Mobile Phone hmangin awlsam tea Download mai theih a ni ang a, Mizoram bikah chuan NIC nen \angkawpa hmalakna a ni ang a, a senso zaa 90 chu sorkar laipui tum tur a ni tih an sawi.
Zawhna chhangin NeVA Coordiantor te chuan, he Application-a thu leh thlalak dahluhte chu a File Format tereuh te te a nih dawn avangin Internet chak lutuk lo hmang pawha en zung zung theih a ni dawn tih an sawi a. State Assembly zinga he ruahmanna hmang hmasa ber Himachal Pradesh-a an zir chianna a\angin, member zinga zaa 95 chuan he ruahmanna thar hi \angkai takin an hmang mek tih an sawi.
