National Highway No 54, Hnahthial khawpui chhung Kanaan venga tlahniam metre 50 vel zeta thui chu nizan khan a chim.

0
367
views

 

He kawng tlahniam chhaka in pakhat, concrete building chawng 2, tan pawh a hlauhawm phak a avangin anni a luahtute an inthiar chhuak a, National Highway a tlang loh avang hian a helna khaw chhungah lirthei lian bungraw phurte pawh an tlan luh a ngai a, hei hian khaw chhung a tichep zual hle.

He kawngpui hi Mizoram chhim lam chaklakna kawngpui pawimawh tak a nih avangin SDO (Civil) Pu H. Lalramliana hmalaknain August ni 12 khan Leilung lam zir mite Geologist te endik tir an lo ni tawh a, lei nghet leh nghetlo inzawmna lai anih avanga che niin mithiamte chuan an sawi. Lei min zel tur veng tur hian SDO (C) Hnahthial leh PWD (Highway) Sub-Division-VII Hnahthial tangkawp chuan Disaster Management & Rehabilitation Department-ah Rs. 30,79,600 senna tur Retaining wall leh Check Dam siamna tur sum an dil a, hei hi a chhanna nghah mek a nih laiin Inrinni-a ruah nasa tak sut avang khan a tlak hniam belh leh a, Pathianni chawhnu lama ruah nasa tak a sur leh avangin zan dar 9:00 velah kawng hi a pumin a chim ta a ni.