National Highway No. 54 Serchhip leh Keitum inkar kawngpui siam that tan a ni

0
244
views

National Highway No. 54 Serchhip leh Kei\um inkar kawngpui chhuat metre 100 vela thui chu nimin a\ang khan siam\hat \an a ni , tunkar chhunga zawh hman beisei a ni. Serchhip a\anga thudawn danin, helai kawngpui siam\ha dan tur hi inrinnia PWD (Highway) Chief Engineer, Pu K. Sawmvela hova enfiah a nih \uma ruahmanna an siam angin kawng hi nimin a\ang khan laih \hat \an niin, lei laihna khawl lian pakhat hmangin chhim lam, Ke\um lam a\anga laih \an a ni a, vawiin khan khawl dang hmangin hmar lam, Serchhip a\anga laih \an ve leh a ni a, hnathawh viltu PWD hotute chuan, an kawng lai mekah hian lung a awm emaw harsatna dang emaw a awm a nih loh chuan kawng sial tlang ngawr ngawr chu tunkar chhunga zawh hman beisei a ni tih an sawi a ni. Puan tawh \hin angin, Sercchip leh Kei\um inkara kawng min hian kawng chhuat meter 100 vela thui a minpui a, kawng thar hi meter 150 vel a\anga laih \an niin, ruahman dan chuan tuna kawng min ta chunglama leiminna tawp a\angin a tlang hi \hiah thlak a ni dawn a, hei hi \hiat thla zelin tuna kawng awmsa rualin kawng hi laih tura a ni a, PWD hotute chuan, he kawng hi khualzin phur bakah chhimlam tana ni tin mamawh lakna pui ber a nih avangin lirthei kal theih mai bakah bungraw phur Motor lian tan pawha kaltlang theih tura siam tum a nih thu an sawi a, kawng hi laihtlang a nih hnuah lung phah leh nghal a nih dawn avangin kawng peihfel hun tur chu ala rei deuh dawn tih an sawi.