Prof. Rajat Gupta hian vawiin khan NIT Virtual Class Room Chaltlang-ah thutthar lakhawmtute kawmin, zirlai, a bikin Mizoram tana seat hauh bik luahtu tur an nei tam tawk lo \hin tih a sawi a, seat awm zat zirlaiin an luah khah loh chuan seat a pung zel thei lo a, zirtirtu leh thawktu dang tihpun zel pawh a theih loh a ni a ti a. zirtirtu an la tlem avang hian zirna kawngah leh zirna in hrim hrimin hma a sawn chak theih loh phah tih a sawi.
Prof Rajat Gupta hian tuna Mizoram NIT-a seat 150 awm mekah a zatve chu Mizoram state tana dah a ni a ti a, kum 2011-2012 a\anga 2013-2014 thlengin Mizoram a\anga zirlai lut chu 20 pawh an tling ngai lo a, kum 2015-2016 a\angin mi 30 an chuang tan ve chauh a ni a ti.
NIT Mizoram Director hian tunhnaia Assembly House-a NIT Mizoram-a zirtirtu indaih lohna chungchang sawi chhuah chu zirlai tlem vang hi a ni pkhat niin zawhna chhangin a sawi
NIT Mizoram hotute chuan a tira campus dinna atana sum ruahman chu Lengpuia NIT hmun tur laihzawlna leh a hungna siamna atan a tam zawk hman a nih avangin Ministry of Human Resources Development-ah a tihpuitlinna tur ruahmanna siama sum dil belh mek a ni tih an sawi.
