National People’s Party Mizoram State Unit-in tun hnaia Kolasib DC leh Sorkar hotuten Vairengte leh Chhimluang inkar kawngpui kama dan lova sak Kudam 20 chuang an hmuchhuak leh Kuhva leh Leitha engemawzat an man chu lawmawm an tih thu an sawi.

Thuchhuah an siamah NPP chuan, heng kudam-a sumdawnna kalpui \henkhat chu dan lova tih niin a lang a, hemi piah lamah hian Kudam leh a chheh vela lirthei ding \hin chu mipui tan a hnawksak bawk avangin
Kolasib DC leh a thawhpui ten heng dan lova Kudam sakte leh sumdawnna te an man chhuak hi NPP Mizoram State Unit chuan lawmawm an ti hle tih an sawi. Hetihrual hian helai hmuna dan lova Kudam satute leh Kuhva leh Lei\ha a sumdawngte hming hi puanzar tura sorkar an phut thu te, dan lova sumdawng an nih chuan FIR thehluh a ni nge kawng danga hrem an ni tih te, an sumdawnna Bungruate hi man sak an ni em tih leh chung bungrua an man te chu engtin nge an tih zui tih puangzar tura sorkar an phut thu an sawi.