National School Games Boxing-a telte chu chakna, theihna leh thiamna an neih hmanga hnehna chang tura theihtawp chhuah tur leh Mizorama an cham chhungin remna leh muanna hnuaiah hlim taka an awm a duhsak thu a sawi a. Pu Lalchhandama Ralte chuan, National School Games in a tum chu zirlaite taksa leh rilru tihhmasawn a pawimawhzia a taka lantir a ni tih sawiin, intihsiakna hian zirna In ten zirlaite \hanlenna atana infiamna an dah pawimawhzia a tarlang a ni tih a sawi. 65th National School Games, 2019 Boxing under-17 (boys)-ah hian ramchhung state hrang hrang leh unit 36 a\angin boxer 413 leh officials 73, an vaiin mi 486 an tel a. Weight category 13 ah inelna nei dawn anga tunkar zirtawpni thleng a awh dawn a ni.
