Naupang kumtling lo khawih chingpena puh Aizawl Chawlhhmun Ropaiabawka cheng Lalruatsanga, kum 28 chu Court-in thiam loh a chantir a, kum 12 tang tur leh cheng sing 2 chawi turin a hrem.

0
293
views

Sorkar Ukil, Addl. Public Prosecutor, Pu H. Lalmuankima hnen a\anga Zonet thudawn danin, kum 2016 October ni 27 khan Lalruatsanga hian Aizawl veng pakhata hmeichhe naupang kum 15 mi chu mipat hmeichhiatna lam hawiin a khawih a, he thil thleng chungchangah hian hemi kum vek November ni 2-ah Vaivakawn Police Station-ah thubuai thehluh niin, pawikhawihtua puh Lalruatsanga chu POCSO Act hmangin thubuai siamsak a ni. He thubuai ngaihtuahtu Aizawl Judicial District-a POCSO Act khawihtu Special Judge, Pu Joel Joseph Denga Court chuan pawikhawihtua puh Lalruatsanga chu thiam loh chantirin hrehawm taka kum 12 chhung lung in tang tur leh cheng sing 2 chawi turin a ti a. A pawisa chawi tur hi a pek theih loh chuan thla 6 dang a tan belh dawn a ni.