NECS Chairman, Pu Rober Romawia Royte-in kum 2010-a an chhungkaw thawhlawm ip hmanga NECS-in Chhinga Veng Presbyterian Kohhran-a cheng nuai 51 an thawh chungchangah he thawhlawm avang hian sorkar dan bawhchhiatna a nei lo niin a sawi a, hemi chungchang hi tun hmaa ACB-in a chhuinaah pawh thubuai ziahluh tlak nia an hriat loh avangin a lo hnawl tawh niin a sawi.

0
231
views

 

He thu hi vawiina Aizawl Press Club-a thuthar lakhawmtute a kawmnaah a sawi a, Nagaland Sorkar ngen angin kum 2009 khan Nagaland-ah hian Mizoram sorkar tirhin a kal a, hemi hnu hian Nagaland leh Meghalaya Sorkar chuan NECS nen inremna siamin, thawh dunna thuthlung an siam a, hetih lai hian amah chu sorkar hnathawk a nih avangin NECS-ah hian thuneihna a nei lova, hetih hun laia NECS enkawltu chu a nu leh a unapa a ni tih a sawi a. Hetihrual hian NECS sum thawh chhuah chu dan anga kohhrana thawh an duh avangin an chhungkaw thawhlawm ip hmangin NECS Apex Bank Cheque pahnih hmangin he thawhlawm hi thawh a ni tih a sawi. Pu Rober Romawia Royte chuan, tunah hian Politics a luhchilh tak avangin NECS chu dan ang taka a neitu nihna kalsan a, midang hnena hlanchhawn a tum niin a sawi bawk.

NECS-in Mizoram sorkar hnuaia Contract hrang hrang a thawh \hinah tu emaw nena inhnimhnai bik anga thu thehdarh \hin awm chu thudik lo nia sawiin, Pu Rober Romawia Royte chuan, Pu Lal Thanhawla leh Pu Lal Thanzara enkawl Department hnuaiah NECS hian cheng nuai 35,320 man hu hna a thawk tawh niin a sawi a. Pu PC Lalthanliana Department hnuaiah cheng nuai 14,651, Pu R. Lalzirliana Department hnuaiah cheng nuai 8,470, Pu KS Thanga hnuaiah cheng nuai 4,555, Pu Lalsawta hnuaiah cheng nuai 820, Pu H. Rohluna hnuaiah cheng nuai 520 leh midang hnuaiah cheng nuai 2,581 man hu a thawk tawh niin a sawi a. Hetih lai hian Ramthar North leh Mission Vengthlang Branch YMA-in an ngen anga Pu Zodintluanga Department chan hnuaia Sorkar laipui a\anga sum an dilchhuah, NECS-in a thawh tura tih cheng nuai 832 man hu vel chu sum sawichhuah a nih hnuah an thawh theih loh tura dan leh niin midang thawh tir an ni ta zawk niin a sawi. Heng hna hrang hrang an thawhnaah hian tu emaw duhsakna an dawn vanga thawk ni lovin dan anga Tender chhanga an thawh niin a sawi. Zawhna chhangin Pu Robert Romawia Royte chuan, Zawlnuam College Principal a nih lai kum 1993 a\ang 1995 chhung khan pawisa chingpen emaw, pawisa chingpen chungchang thubuai emaw, FIR emaw thehluh pakhat mah a awm lo a, a eiruk man hlauh vanga ^ der anga mi\henkhatin an puhna pawh thudik lo nia sawiin, hei hi amah ertu mi\henkhatin dawt an phuahchawp mai niin a sawi.