NEDP hnuaia Project pakhat, “My Project, My NEDP – Mipui Mamawh Intawm Ruahmanna ‘MiMIR’ tia sawi chu vawiin khan Serchhip ah a kalphung zirho a ni

0
488
views

NEDP hnuaia Project pakhat, “My Project, My NEDP – Mipui Mamawh Intawm Ruahmanna ‘MiMIR’ tia sawi chu vawiin khan Serchhip ah a kalphung zirho a ni.

Serchhip Addl DC Pu Chuauhnuna chuan MiMIR Project hnuaiah \hahnem ngai taka khawtlang tana ro tling tur ngaihtuah chhuah tum turin kalkhawmte a chah a. Hriatreng tlak thil \ha tihna remchang, khawtlang hmangaihna lan tirna tur a ni a ti. Serchhip DLAO Pu Neng Thianlal chuan Project duan dan tur kalkhawmte a zirtir a, khawtina Village Council te kaihhruaina hnuaiah tlawmngai pawl 3 – YMA, MUP leh MHIP a\angin mi 2 theuh te nen Joint Committee siam tur a ni a, Joint Committee sawihona behchhanin MiMIR Project Concept Paper hi siam tur a ni. Joint Committee hian an ruahmanna chu July ni 16 aia tlai lovah Member Secretary SDO Sadar ah thehlutin, District MiMIR Committee chuan a \ha zual 20 an thlang chhuak anga, thlifim lehin Project \ha ber thlan chhuah a ni ang a, project siam \ha ber khua chuan hnathawhna tur Rs. Nuai 100 an dawng dawn a ni. Serchhip-a MiMIR kalphung zirhona hi SDO Sadar Pu R. Vanrengpuia’n a kaihruai a, district chhung khua leh veng tina joint committee aiawh mi 2 \heuhte tel a ni.