JNU Alumni Mizoram hian zirlaite kutthlak an demna thuziak hrang hrang an keng a. Thirtiang, tuboh leh tairaw tiang hmanga misual rualin dim lo taka JNU zirlai leh zirtirtute bei a, an rilru leh taksa an hliam chu an dem hle tih sawiin, hetianga inbeihna hi JNU mai ni lovin Jamia Milia Islamia, Aligarh Muslim University leh zirna in dangah pawh a thleng tawh a, heng thil thleng hi mi \henkhat sorkar laipui thuneitute laka tlatlum deuhin University leh zir bingna hmun sang zawka Democracy leh zirlaite zalenna rahbeh leh pawng nek an tumna nia an ngaih thu an sawi. JNU Alumni Mizoram chuan, JNU leh zirna in sang hmun \henkhat beih a ni hian zirna leh zir bingna hmun sang zawkte Sorkar laipuiin a ngaihsak tawk loh zia le an laka thuneitu sang zawkte rilru put hmang a tilang chiang hlea an ngaih thu an sawi a. He thil thleng hian zirna leh thiamnain a ken tel mimal ngaih dan leh thil thlir dan inang lote laka dawhtheihna leh ram leh khawtlang hmasawnna tur nasa takin a dal chho mek a ni, an ti. India chu hnam hrang hrang chenna hmun a nih angin an ngaihdan leh duh dan inan lohnate chinfel nana tharum hman chu thil dik a ni lo tih chu an ngaihdan a nih thu JNU Alumni Mizoram chuan an sawi a. Zirna sang zirtute tana thil pawimawh ber pakhat chu boruak muanawm leh zalen taka awm a nih a nih avangin tun hnuah JNU chhungkuate an Campus-a him leh thlamuang taka an awm theih nan thuneitute chu hmala tura an phut thu leh rawng taka zirlai leh zirtirtute beihnaa inhnamhnawih zawng zawng chu n^ taka hrem an phut tih an sawi.
Misual rualin JNU an beih laia Mizo zirlai awm ve Jonalie Vanlalrinpuii chuan, he pawikhawihna hi BJP leh an thurualpuite thil tih ni ngeia an hriat thu Zonet a hrilh.
