New & Renewable Energy Ministry sum pek hmanga Falkawna State Referral Hospital leh District dang damdawiina solar power plant bun chu hman theih loin a awm tih MNYF in an sawi. MNF \halai te hian vawiin khan Falkawna State Referral Hospital tlawhin an pawl Vice President Lalremruata chhangte chuan, kum 2012 a Sorkar laipuiin ramchhunga damdawiin 21 a solar power plan bunna tur a pek zingah Mizorama District damdawiin 4 leh State Referral Hospital a tel tih a sawi a, damdawiin pakhat tan cheng nuai 120 \heuh hmangin Solar power plant chu bun vek ni tawh mahse hman theih lohin a awm vek niin a sawi. Pu Lalremruata Chhangte chuan, sum tam tak sen ralna Solar Power plant hman theih lova awm chu sorkarin damlo leh thawktute a ngaihthah zia ti langtu nia sawiin hman theiha siam vat turin sorkar an phut tih a sawi. Falkawna State Referal Hospital leh Meghalaya NEIGHRIMS damdawiin tehkhina sum pek inang reng anga Congress in an sawi \hin chungchang pawh thu dik lo nia sawiin Pu Lalremruata Chhangte chuan, Congress chu mipuite thudik lo hrilh tumah a puh a, Sorkar laipuiin NEIGHRIMS tan cheng vaibelchhe 442.60 a pek laiin Falkawn Referal Hospital din nan cheng vaibelchhe 40 chauh a pe thung niin a sawi.
