NH-6 siam that vanga motor tlan dan siam danglam police ten kengkawh

0
718
views

Seling leh Champhai inkar kawng, National Highway 6 siam \hat meka motor tlan dan siam thar chu Police ten khauh takin an keng kawh mek a, Aizawla Police hotute hnen a\anga ZONET thu dawn danin, motor lian intlan chhawk ni tur siam hi Selingah leh Keifangah Police duty insiama bawhzui a ni a, Seling a\anga Champhai pan tur motor liante chu Thawh\anni, Nilaini, Zirtawpni leh Pathianniah Champhai panin an kal thei a, Champhai a\anga Aizawl pana kalte chu Thawhlehni, Ningani leh Inrinniah Aizawl panin an kal thei a, ni chhiar dan hi zan dar 12 a\anga a tuk zan dar 12 thleng a ni a, Seling a\anga Champhai pana chhuak turte chuan chawhnu dar 1 hnu lamah Seling an chhuahsan phal a ni lo ang a, Keifang a\anga Champhai pan turte pawh tlai dar 3 a\angin Champhai pana an chhuah phal a ni lovang. Hei hi kawng laka motor lian inpel tur a buai lohna tur a ni.