Department of Mechanical Engineering, NIT Mizoram leh IIT,Guwahati tangkawp buatsaih National Conference hi Higher & Technical Education Minister Dr. R. Lalthangliana’n a hmanpui a, thu sawiin khawvel thang zelah mihringten changkan lam kan pan rual hian hawmhnawk leh bawlhhlawh a tam telh telh a, heng hi tangkai zawnga hman dan ngaihtuah a ngai a ni a ti a, hemi kawnga inrawnkhawmna buatsaih ani chuan hmasawnna thar a thlen a beisei tih a sawi.
National Conference on Waste to Energy Conversion hi KIT-TEQIP-III bultum a ni. KIT-TEQIP-III hi Ministry of Human Resource Development hnuaia zirna tihmasawnna tura hmalakna pakhat a ni a. Mithiamte thuziak 50 chuang behchhanin bawlhhlawh a\anga power siam chhuah theih dan an zirho a ni.
