Ni khata Mizorama Coronavirus kai hmuh chhuah tam ber tum a thleng a, a kai thar mi 46 hmuh belh an ni a, heti hian ni 9 chhunga Mizorama coronavirus kai hmuh chhuah thar chu mi 87 an tling ta a, a hmaa lo enkawl dam tawh mi pakhat nen, Mizoramah coronavirus kai tawh zat mi 88 an tling ta a ni.

0
51
views

ZMC laboratory-a sample tam zawk endik anih hnu, Thawhtanni kalta, June ni 1 atang khan a ni telin Coronavirus kai hmuh chhuah hi an pung chho ta zel a, nimin lam atang tawh khan ZMC laboratory ah hian sample 459 endik a ni a, ZMC Bulletin-a tarlan danin vawiina hrileng kai hmuh chhuah thar mi 46 te hi, Lunglei District mi 43, Lawngtlai mi 1 leh ZMC-a damlo enkawl lai mi 2 an ni.

Mizorama District 11 te zingah Lunglei District ah hrileng kai an tam ber ta a, vawiina hmuh chhuah thar mi 43 te nen hian mi 45 an tling chho ta a, Kolasib District in dawtin mi 11 an ni a, Aizawl District ah mi 10, Mamit-ah 8, Lawngtliah mi 3, Khawzawlah mi 2, Saitual leh Siaha District ah mi 1 ve ve hrileng kai an awm tawh a. Hnahthial leh Serchhip District ah te hrileng kai hmuh chhuah an la awm rih lo a ni.