Ni li chhung awh tur hmarchhak pum huap lemchan leh lam kutpui North East Natya Sangam 2019 chu vawiin a\ang khan Govt. T. Romana College Auditorium-ah \an a ni.

0
231
views

North East Natya Sangam rual hian National Seminar on Prespectives Theatre in NE India tih, lemchan chungchang zirhona buatsaih a ni dawn bawk a, ni li chhung hian Govt.T.Romana College leh Vanapa Hall-ah te Assam, Manipur, Nagaland, Tripura, Sikkim, Arunachal Pradesh leh Mizoram ten lam leh lemchan te an entir dawn a ni.

He kutpui hawngtu Agriculture Minister Pu C. Lalrinsanga chuan State hrang hrang intlawhpawhna leh thawhhona chuan lungrualna leh inunauna \ha zawk a thlen a beisei thu a sawi a. India rama hnam hrang hrang zingah hnam tlem leh te zawkten hriat an hlawh lo hle tih sawiin, festival chu hmarchhaka biala chengte hnam nunphung leh ziarang phochhuahna hmanraw \angkai a ni a ti.

Sangeet Natak Akademi hi Ministry of Culture hnuaia din a ni a, India ram chhunga hnam hrang hrang rimawi te, lam te leh lemchan te phochhuah leh humhalh hna an kalpui thin a ni. Hawnna inkhawmah hian Sangeet Natak Akademi hotute, Art & Culture Department hotute, Govt. T.Romana College zirtirtute leh zirlaite an tel a ni.