Vawiina Aizawl Press Club a thuthar thehdartute a kawmnaah Pu Lalmuanpuia Punte chuan, Vairengte-a Arsa a sumdawngten Arsa an lak luh chu khawi a\ang pawh nise ar nung chungin an lei a, an talh a, an puah a, sa kawchhung te pawh a kawchhung hlawmin an la a, an thianfai a, siam mai theihin an peisa vek a, a hlutna an tih pun hnuah Aizawl lama hralh turin an phur chho \hin tih a sawi a, mithenkhatin ruihhlo an man an halral leh leihbua ang maia ualau taka motor kawngpui lun laia lo hlanthlak sak a, paih sak tur chi sumdawnnna bawlhhlawh a ni lo tih a sawi.
Pu Lalmuanpuia Punte chuan, Vairengte sumdawnna, sa puahsa vek tawh, tha leh sum tam tak an sen tawhna, lo paihsak ringawt chu thil dik lo tak a ni tih a sawi a, a titu nia hriatte chu sorkarin an phu tawk hremna pe tur an nih laia Sorkar hotu lian an inrawlh avanga chhuah leh an ni tih tualchhung chanchinbu leh social media lama lo lang chu mak a tih thu a sawi a, sorkar chu Vairengte Arsa zuar te hloh zat pe let ngei turin a phut a ni.
Pu Lalmuanpuia Punte hian, mahni theih theihna zawna palzuta chet chingte hrem an nih loh chuan Vairengte hian an tih ve theih chin road block an kalpui chuan a nghawng a lian thei dawn hlea ni a ti a, Vairengte pawl hrang hrangin sorkar an ngenna chu tih hlawhtlinsak \ul a tih thu a sawi.
