Voluntary Donation hi thisen pek zawng zawng a\anga chhutin zaa 89.49 a ni a, Damlote tana thisen pek a pun zel theihna tura hmalatu pawl AVBD chuan voluntary donation hi zaa 90 tlintir tumin \an an la tih an sawi.
AVBD hian mi nunna chhanna tura phal taka thisen pe tawh \hin zawng zawngte chungah lawmthu an sawi a, thuchhuah an siama an tarlan danin blood bank 11-te hian nikum chhung khan blood donation camp vawi 507 an nei a ni. Mizorama blood bank 11 zinga voluntary donation \hatna ber Civil Hospital, Aizawl Blood Bank-ah thisen dawn zawng zawng unit 15,694 a\angin unit 14,613 chu voluntary donation a ni a, hei hi zaa 93.11 a tling a ni.
Voluntary donation hi District Hospital, Champhaiah zaa 92.73, District Hospital, Siaha-ah zaa 92.15, District Hospital, Serchhipah zaa 90.88 a ni a, voluntary donation hniamna ber District Hospital, Lawngtlaiah chuan zaa 69.56 a ni.
AVBD hian kum 2019-2020 chhungin thisen pek zawng zawng a\anga zaa 90 tal voluntary donation anih theihna turin \an an la tih an sawi a, zaa 90 hi blood bank palite’n an tlin laiin, la tlin ve lo blood bank pasarih an awm a ni.
