Vawiin khan DIG Northern Range Pu Lalbiakthanga Khiangte hovin PHQ Arya Mess-ah kum 1 leh thla 2 chhunga pawikhawihna hrang hrang thlen dan thlirletna crime review meeting neih a ni a. Report a\anga a lan danin nikum May a\anga kumin June thla chhungin DIG Northern Range huamchhungah tualthah thubuai 17 ziahluh a ni a, pawngsual thubuai 55, Hmeichhe khuaikhem thubuai 36, naupang khuaikhem thubuai 84 leh ND&PS Act hmanga thubuai ziahluh 116 a awm a ni. Sualna hluar zual zingah rukruk thubuai 605, In rawk 353, kut in thlak 36 leh pawngsual thubuai 55 te ziah luh a ni.
Crime Review Meeting-ah hian ruihhlo vanga Mizo \halaiten harsatna an tawh thu te, Mizoram chu a ruka ruihhlo tawlhtuten an paltlang avangin ruihhlo avanga buaina hi a tam nia a lan thu te sawilan a ni a, ruihhlo do kawnga hmalatu dang YMA, VDP leh pawl dangte nen thawhhona \ha neih a pawimawh thu te Police hotute hian an sawiho a, tunhmaa hriat tur awm vak lo mihring hmanga sumdawnna pawhin Mizoram a tuam \an thu pawh sawilan a ni a, hemi kawngah hian nu leh pa te chu fimkhur tura an duh thu an sawi. Crime Review Meetingah hian IGP Pu LH Shanliana leh Police hotu dang te an tel a ni.
