Vawiina Congress Bhavan-a inkhawmah thusawiin, Pu PC Laltlansanga chuan, tun \uma Aizawl West I biala Bye Election neih tur chu a danglam hle tih a sawi a. |um dangah chuan Bye Election chu MLA nilaite an thih vang emaw, Chief Miniser-te bial hniha an tlin kawp vang emawin Bye Election hi neih \hin a ni a, tun \umah erawh chuan hetiang hi ni lovin Oppsition MLA-in bial a chhuahsanah Bye Election hi neih a ni dawn a, hei hi Mizorama a thlen vawi khatna a ni a ti a, hetiang a nih mek lai hian MNF chuan nikum inthlanpui neih laia an Official Candidate a tlak theih nana a ruka beitu Candidate atan an dah avangin MNF zingah pawh pawm lo tam tak an awm a, hemi avang hian \angrual candidate, Pu Lalbuanga Sailo tan tlin theihna hun \ha a inhawng mek a ni, a ti.
Pu PC Laltlansanga chuan, Lok Sabha inthlan neih turah pawh \angrual candidate, Pu Lalnghinglova Hmar chu a tling dawn nia sawiin, tun hmaa Lok Sabha inthlanna neih tawhah thu inchuh lian deuh a awm a piangin Rulling candidate an tla ziah niin a sawi a. Lok Sabha leh Aizawl West I biala Bye Election neih tur chu \angrual pawl pahnih inbeihna nia sawiin, Congress leh ZPM \angdun chu MNF leh BJP \angdun nen an inbei dawn dawn niin a sawi.
