Nilai zana Serchhip District Hospital Medical Quarters, Pu PC Lalromawia luahlai kang ral ta chu vengchhung mi tlawmngaiten hnatlangin an senghawi fel sak tawh a, kangmei tuarte hi Saron Venga Medical Quarters ruakah sawn luh an ni.

Serchhipa VC leh tlawmngai pawl hrang hrangte bakah Kohhran leh mimal inphalten \anpuina tangkafai, mutbu, bungbel, thawmhnaw leh thildang an mamawh tur te an pe khawm a, an in luah tur pawh hnatlangin an chei \hat sak bawk a ni. Vawiin khan Little Flower Convent School-a zirlai naupang leh zirtirtute chuan an thawhkhawm Rs. 17,750/- leh buhfai bag 2 bakah in chhung bungrua leh naupangte mamawh tur chi hrang hrang Pu PC Lalromawia te chhungkua hi an hlan a ni.