Nimin leh vawiin khan Excise & Narcotics Department leh Central YMA hnuaia ruihhlo dotu pawl SRS te chuan Heroin Hawng 14 leh a neitu nia hriatte an man

0
231
views

Nimin leh vawiin khan Excise & Narcotics Department leh Central YMA hnuaia ruihhlo dotu pawl SRS te chuan Heroin Hawng 14 leh a neitu nia hriatte an man. Excise Department-a Anti-Narcotics Squad leh SRS \angdun hian nimin Thawhlehni chawhnu khan Durtlang Leitan vengah Heroin hawng 10, gram 116 a rit leh a neitu nia hriat, Lalrinfela, kum 30, Durtlang Leitan nia inchhal an man a. He thil an chhui zelnaah hian Anti-Narcotics Squad mite chuan nizan khan Serchhip District-a Lungchhuan khaw mi nia insawi, Lalthangtluanga, kum 32 chu an man bawk a, he thil kaihhnawihah hian Lungchhuan khuaa tlawmngai pawl hrang hrang YMA, MHIP, MUP VC leh VDP te chuan Lalthangtluanga hi an khaw timualphotu nia ngaiin May thla ral hmaa an khaw chhuahsan turin an hriattir a, hemi chungchanga thutlukna hi tukina Joint Meeting-ah an siam a ni.

Excise & Narcotics Department, Champhai Station amite chuan vawiin chawhma khan Champhai Jail Vengah Maxi Cab service lai a\angin Heroin hawng 4, gram 56-a rit leh a neitu nia hriat, Kamsianmung, kum 30, Sesih Vengsang nia inchhal an man a. He sumo passenger dang pahnih James Lalrinfela, kum 25 leh R. Lalfamkima kum 34, Govt. Complex, Aizawl nia inchhal ve ve te hnen a\angin Heroin gram 9.2 an man tel bawk. Heroin vanga mante hi ND&PS Act 1985 tlawhchhanin thubuai rit tak an siamsak vek a ni.