Nimin zing dar 8:30 vela Home Minister zuitu motor chesual a hiamte chu nimin tlai dar 5 vel khan Aizawl lo thlenpui an ni a, Civil Hospitalah enkawl mek an ni.

0
272
views


He chetsualnaa thi mi 3-te ruang pawh nizan zanlai pelh hnu hret khan Aizawl lo thlenpui an ni a, ruangte hi an chenna in-ah \heuh lumen an nih hnuah vawiin khan vuiliam an ni bawk. He Chetsualnaa hliam, Pu Zaithanmawia Chhangte Zemabawk leh Lalhmingliana Hnamte, Chawnpui vengte chu Lunglei a\angin nimin tlai dar 5 vel khan thlawhtheihna hmangin Aizawlah phurh thlen an ni a, Aizawl thlenpui an nih hnuah Civil hospital panpui niin, Male Surgical ward-ah dahluh nghal an ni a. An mahni enkawltu Doctor-te chuan an ngaihtuahawm lutuk lo niin an sawi a ni. He chetsualna vanga hliamte Aizawl Civil Hospital-a hruai an nih lai hian Minister leh MNF Party mi \hahnem takin an lo hmuak a. Chief Minister Pu Zoramthanga chuan hliamte hi nizan khan tlawhin, an dam leh thuai theihna turin duhsakna a hlan a ni.

Chetsualnaa thi mi 3- Pu R. Lalnunsanga Dinthar veng, Pu K. Lalchungnunga Armed Veng South leh Pu F. Ropianga Tuithiang-te ruang nizana Aizawl lo thlenpui an nih pawhin Party mi \hahnem takin an lo hmuak a, vawiina an mahni vuinaah pawh Minister-te an tel hlawm a ni.