Chief Minister chuan Anthurium leh tourism kaikawpa Anthurium Kutpui buatsaih a ni chu thil inhmeh a ni a, khualzin tam zawk hip luhna a nih zel a beiseiawm a ni a ti a, anthurium hmanga sumdawnna chu nasa zawka a \han theih nan hmalak chhunzawm zel a duh thu a sawi.
Chief Minister chuan cheibawl chawp leh siamchawp ni lo, Mizorama ramngaw te leh boruak thianghlim te chu ramdangmi hiptu a ni a ti a, khualzin tam zawk dawngsawnga dawlzo thei tura inbuatsaih a \ul tih a sawi.
Khualzin tam zawk hiplut thei turin kawng \ha zawk sial te, thlawhna \umhmun siamthat leh tihchangtlun te sawrkarin a ngaipawimawh tih Pu Zoramthanga hian a sawi a. Bungraw phur chi thlawhna dawlzo thei tura Lengpui \umhmun siamna tur project duan a nih thu sawiin, hemi hi a hlawhtlin theih chuan Mizorama pangpar tharte awlsam zawkin khawvel zau zawkah a hralhchhuah theih dawn a ni a ti.
Anthrium Festival hawnna inkhawmah hian Tourism Minister Pu Robert Romawia Royte leh Chief Secretary Pu Lalnunmawia Chuaungo te pawhin thu an sawi a ni.
Anthurium Festival hi kum 2006 atang khan buatsaih \hin a lo ni tawh a, kum 2017 leh 2018 ah te chawlh anih hnuah kuminah hman a ni leh ta a ni. Tourism Department buatsaih Anthurium Festival atana senso tur hi Ministry of Tourism in cheng nuai 25 a pe a ni.
