July ni 1 hi India ram pumah kumtin Doctor’s Day atan hman thin a ni a. He ni pual hian Doctor ten mimal leh vantlang tana an inpekna ni atan an hmang thin a.
Kuminah erawh Covid-19 hri leng vangin Doctor’s day hi kum dang angin an hmang thei lova, hetiang ni mah se, IMA Mizoram State Branch member tin te chuan Covid-19 hri leng do nan an theih ang leh remchan dan angin tha an thawh theuh hlawm a. Doctor 461-in State pawn atanga lo haw khung hrante an vil a, mi thahnemngaite sum thawhkhawm hmangin IMA chuan Nurse 3 leh Lab technician 10 an ruai a, hmai tumana, kut kawr leh kut silfaina mi hrang hrang hnenah an pe bawk a ni.
Doctor’s Day pual hian Doctor thenkhat chuan thisen an pe a, Siaha Doctor te chuan an pawisa thawh tlingkhawm cheng sing 1 chu Siaha-a Calvary Healing Home tanpui nan an hlan a ni.
