Kangmei chhuahna hmun hi Mizoram Homeguards Training Centre bulah a ni a, in kang te hi mimal in a ni thung, kangmei tuarte hi Pu S. Chungliana, Pu Engvara leh Pu R. Tluangate an ni a, kangmei hi Pu S. Chungliana in atanga chhuak tan nia hriat a ni a. Pu S. Chungliana hian a inhnuaiah ar vulhin, ar tih lumna tura electric an chhit chu kal sualin kangmei hi a chhuak ta nia rin a ni.
Kangmei chhuah lai hian Pu S. Chungliana te hi an chhungkuaa an muthilh lai a ni a, an insaseng hman a ni. Khawtlang hruaitute chuan kangmei tuarte chhawmdawl hna hi an theih ang angin an thawk nghal a ni.
