NLUP thawh hnihna leh thawh lina Lunglei District-ah sem

0
432
views

NLUP thawh hnihna leh thawh lina hnuaia Lunglei District-a Commerce & Industries Deptt. hnuaia tanpuina dawngtu mi 59 hnenah vawiin khan Parliamentary Secretary, Pu Joseph Lalhimpuia’n tanpuina a sem. A dawngtute hi Industry Deptt. hnuaia eizawnna hna chi hrang hrang 9 thawkte an ni a, tanpuina sum sem zawng zawng hi Rs. 30,77,480/- a ni a, a dawngtute hi Lunglei East leh Lunglei South Constituency huam chhunga mi an ni. Tanpuina semna inkhawm Zobawk BNRGSK Hall-a neihah Pu Joseph Lalhimpuia chuan, tanpuina dawngtute chu hlawhtlinpui tum turin a fuih a, a hmanna tur dik takah hmang turin a chah a ni. He inkhawm hi Lunglei District Industry Center-a Superintendent, Pu Lalzara Sailo-in a kaihruai a ni.