US President Donald Trump leh North Korea ram hruaitu Kim Jong-un ten inbiakna an nei thuai dawn nia hriat a nih laiin, North Korea Foreign Minister chuan puan zar lawk awm lovin Sweden a tlawh. Pyongyang chuan Ri Yong-ho hi ram pahnihte inlaichinna ti nghet tura thawk chhuak a nih thu a sawi a, Sweeden hi Washington leh Pyongyang inkara palai hna hun rei tak a\angin a lo thawk tawh \hin a, hei vang hian tuna North Korea Foreign Minister in Sweeden a tlawh hi US leh North Korea inbiakna neih tur atana lo inbuatsaih lawkna chi khat ni tura ngaih a ni. Ram pahnih hruaitute hi thu dengkhawng tak tak hmanga an lo inbeih tawn fe tawh hnuah Donald Trump chuan Kim nena inbiak rawtna hi kar kalta khan a lo pawm tawh a, South Korea palai ten inbiakna nei tura North Korea sawmna hi US hnenah a thlen a ni. Sweden Prime Minister Stefan Lofven chuan ram pahnihten hma la tura min duh chuan sweden chu a inpeih reng a ni a ti a, a pawimawh ber chu a inbe tur ram pahnihten Sweden tih tur chin an bithliah fel a ni a ti.
Chanchin Thar North Korea Foreign Minister-in Sweden tlawh
